ՏԵՍԱՆՅՈՒԹ. Տավուշում դիրքերի փոփոխություն եղե՞լ է. ՊՆ փոխնախարարը պատասխանում է
Այդ տարածքում ծառայություն են իրականացնում սահմանապահ զորքերը. դա սահմանապահ զորքերի հսկողության գոտի է: Այս մասին այսօր՝ հունիսի 7-ին, ԱԺ-ում լրագրողների հետ զրույցում նշեց պաշտպանության փոխնախարար Արման Սարգսյանը՝ անդրադառնալով հարցին, թե արդյոք Տավուշում սահմանազատումից հետո դիրքերի փոփոխություն եղել է, թե ոչ:
«Վերջին շրջանում չափից ավելի բաց, չափից ավելի թափանցիկ ենք աշխատում: Նախկինում եթե դժգոհում էիօն ինֆորմացիայի ոչ օպերատիվ տեղ հասնելուց, հիմա այդ խնդիրն էլ չկա։ Բոլոր տեսակի տվյալները տրամադրվում են, հանրությունը դրա մասին իրազեկվում է:
Դա հանդիսանում է սահմանապահների ծառայության վայր: Երրորդ բանակային կորպուսը գոյություն ունի: Բնականաբար, իրենք իրենց խնդիրներն ունեն, սահմանապահներն՝ իրենց»,-ասաց նա եւ հեռացավ՝ չպատասխանելով լրագրողների մյուս հարցերին:
