«Վերածնունդ» թաղամասի 7-րդ մասնաշենքի որոշակի հատվածներ պետք է ապամոնտաժվեն. Տիգրան Ավինյան

Մոնթե Մելքոնյան փողոցում գտնվող «Վերածնունդ» թաղամասի 7-րդ մասնաշենքի ավարտական ակտի հետ կապված և շինարարության ավարտման հետ կապված ունենք համաձայնություն կառուցապատողի հետ: Այս մասին լրագրողների հետ զրույցում հայտնեց Երևանի քաղաքապետ Տիգրան Ավինյանը:

«Որոշակի հատվածներ պետք է ապամոնտաժվեն, որոնք չեն համապատասխանում նախագծին և պետք է դիմում ներկայացվի ավարտական ակտի համար»,- նշեց նա:

Անդրադառնալով փոսալցման աշխատանքներին՝ քաղաքապետը նշեց, որ արդեն մոտ 80.000մ² աշխատանք արդեն արել են այս տարվա ընթացքում:

«Փոսալցման աշխատանքներից զատ Երևանում իրականացնելու ենք միջին նորոգման աշխատանքներ մոտ 55կմ ճանապարհի չափով»,- ասաց Տիգրան Ավինյանը:

Քաղաքապետը շեշտեց՝ այս տարի ունեն ավելի խստացված կահավորման պահանջներ:

«Այս տարի քննարկել ենք և ներդրումային կոմիտեում հաստատել ենք Թբիլիսյանը Եղվարդի խճուղուն միացնող կամուրջն ու ճանապարհը կառուցելու նախագիծը: Ունենք Արշակունյաց-Իսակով ճանապարհների նախագիծը, հիմա իրականացվում են օտարման գործընթացները»,- ասաց նա: