Արցախցիները կկարողանան անվճար պատրաստվել միասնական և ավարտական պետական քննություններին

10-12-րդ դասարաններում սովորող արցախցիները, որոնք պատրաստվում են ընդունվել բարձրագույն ուսումնական հաստատություններ, կարող են անվճար պատրաստվել միասնական և ավարտական պետական քննություններին։

Հայկական բարեգործական ընդհանուր միությունը կրթական նոր ծրագիր է սկսել, որի նպատակն է մեղմել Արցախից բռնագաղթած մեր հայրենակիցների սոցիալական խնդիրները։

Ծրագիրը 6 ամիս տևողությամբ է, կմեկնարկի հուլիսին և կավարտվի դեկտեմբերին: Դասընթացներն անցկացվելու են շաբաթական երկու անգամ՝ երկու ժամ տևողությամբ։ Ծրագրում ընդգրգված է 4 առարկա՝ հայոց լեզու, հայոց պատմություն, անգլերեն, մաթեմատիկա։

Միությունից տեղեկացնում են, որ դասընթացավարները կանցկացնեն հարցազրույցներ՝ շահառուներին ընտրելու համար։ Դիմում-հայտը կարելի է լրացնել մինչև հունիսի 25-ը` անցնլով այս հղումով։

Հիշեցնենք` վերջին տվյալներով` ՀՀ–ում Արցախից բռնի տեղահանված 101 848 անձ է հաշվառվել և նույնականացվել։