ՏԵՍԱՆՅՈՒԹ․ «Կիսագողական կեցվածքիդ վերջը տուր»․ լարված իրավիճակ՝ Գալստանյանի և ոստիկանապետի միջև

ՆԳՆ շենքի դիմաց իրավիճակը լարվեց Բագրատ Սրբազանի և ոստիկանապետ Արամ Հովհաննիսյանի զրույցի ժամանակ, երբ Սրբազանը և լրագրողները նրանից փորձում էին ոստիկանության գործողությունների վերաբերյալ պարզաբանումներ ստանալ։

«Էդ կիսագողական կեցվածքիդ վերջը տուր․ մատիդ ծայրից գիտեմ, գոհ եղիր, որ դեռ բան չեմ ասում»,- ասաց Սրբազանը՝ ոստիկանապետին։

Ոստիկանապետն էլ ի պատասխան նշեց․ «Ես էլ քեզ եմ ճանաչում։ Լիքը հանցագործներ, հետախուզման մեջ գտնվող մարդիկ, խաչը բռնած ուզում են պատսպարվեն»։

ՆԳՆ մամուլի քարտուղար Նարեկ Սարգսյան էլ շենքի մոտ հավաքվածներին և Բագրատ Սրբազանին հայտնեց, որ ՆԳ նախարարը պատրաստ է ընդունելու Բագրատ Սրբազանին, բայց ոչ այս ֆորմատով։