Իրավապահները մտել են «Արմավիրի» ԲԿ, բերման ենթարկել ԲԿ-ի փոխտնօրենին և շտապօգնության պետին
Մայիսի 25-ին իրավապահները մտել են «Արմավիրի» բժշկական կենտրոն, խուզարկություն իրականացրել և բերման ենթարկել ԲԿ-ի փոխտնօրեն Տիգրան Պետրոսյանին և շտապօգնության պետին: Այս մասին հայտնում է NEWS.am-ը
Տեղեկությունը հաստատելու համար դիմեցինք Քննչական կոմիտե, որտեղից հայտնեցին, որ նախաձեռնված քրեական վարույթ կա, որի շրջանակներում մի քանի անձ է ձերբակալվել։ «Այս պահին իրականացվում են անհետաձգելի քննչական ու վարութային գործողություններ։ Ավելի ուշ հաղորդագրություն կտրվի»։
Արմավիր ԲԿ-ի մյուս փոխտնօրեն Դավիթ Գևորգյանը մեր հարցին, թե արդյո՞ք իրավապահ մարմինները խուզարկություն իրականացրել են ԲԿ-ում, ասաց, որ ոչնչից տեղյակ չէ:
