Երկու երկիր պաշտոնապես ճանաչել են Պաղեստինը որպես պետություն
Պաղեստինը որպես անկախ պետություն ճանաչելու Նորվեգիայի որոշումն ուժի մեջ է մտել: Այս մասին ասվում է Նորվեգիայի ԱԳ նախարար Էսպեն Բարթ Էյդեի հաղորդագրության մեջ, որը հրապարակվել է կառավարության կայքում։
«Ավելի քան 30 տարի Նորվեգիան եղել է պաղեստինյան պետության ամենաջերմ աջակիցներից մեկը։ Այսօր, երբ Նորվեգիան պաշտոնապես ճանաչում Է Պաղեստինը որպես պետություն, դա կարևոր հանգրվան է Նորվեգիայի և Պաղեստինի միջև հարաբերություններում», - ասվում է հաղորդագրության մեջ:
Իսպանիայի կառավարությունը ևս պաշտոնապես ճանաչել Է Պաղեստինը որպես ինքնիշխան պետություն: Այս մասին հայտարարել է Թագավորության արտաքին գործերի նախարար Խոսե Մանուել Ալբարեսը:
Պաղեստինն անկախ պետություն ճանաչելու որոշման մասին Նորվեգիայի կառավարությունը հայտնել էր մայիսի 22-ին: Այս մասին հայտարարել են նաև Իռլանդիայի և Իսպանիայի իշխանությունները: Ի պատասխան՝ Իսրայելի ԱԳՆ ղեկավարը հայտարարել է Դուբլինից, Մադրիդից և Օսլոյից դեսպաններին խորհրդակցությունների համար հետ կանչելու մասին: Միաժամանակ Իսրայելում Իռլանդիայի, Իսպանիայի և Նորվեգիայի դիվանագիտական առաքելությունների ղեկավարները կանչվել են հրեական պետության ԱԳՆ, որտեղ նրանց դեմարշ է հայտարարվել։
Ներկայումս ՄԱԿ-ի 193 երկրներից ավելի քան 140-ը ճանաչում են Պաղեստինի պետականությունը, այդ թվում՝ Ռուսաստանը:
