Հանրահավաքի մասնակիցները գիշերը կմնան Հանրապետության հրապարակում

«Տավուշը հանուն հայրենիքի» շարժման անդամները գիշերը կմնան Հանրապետության հրապարակում: Այսօրվա հանրահավաքի ժամանակ ելույթ ունեցավ Բագրատ արքեպիսկոպոս Գալստանյանը և հայտնեց, որ վաղը առավոտյան 08։00-ից սկսելու են խաղաղ անհնազանդութայն ակցիաներ իրականցնել։

Հիշեցնենք, որ այսօր ավելի վաղ ԵՊՀ արևելագիտության ֆակուլտետի պրոֆեսոր Գուրգեն Միլիքյանը իր ելույթում հայտարարեց, որ Բագրատ Սրբազանին առաջադրում են շարժման վարչապետի թեկնածու։ Բագրատ արքեպիսկոպոս Գալստանյանն էլ տեղեկացրեց, որ խորհրդակցել է Ամենայն Հայոց Կաթողիկոսի հետ և որոշում է կայացրել սառեցնել իր 30-ամյա հոգևոր գործունեությունը։

Շարժումը հրապարակել է նաև վաղը սպասվելիք գործողությունների ծրագիր, ըստ որի՝ մայիսի 27—ին, առավոտյան 08։00-ից Երևանում և մարզերում տեղի են ունենալու անհնազանդության գործողություններ։

«Տավուշը հանուն հայրենիքի» շարժումն առաջարկում է միանալ «քեզ ամենամոտ հատվածում իրականացվող գործողություններիլ, ինքդ քեզ հարմար տարբերակով դրսևորել անհամաձայնությունդ, առավոտյան ժամը 08։15-ին լինել Սուրբ Աննա եկեղեցու բակում, որտեղ կլինի նաև Բագրատ Սրբազանը»: