Փլուզում Դավիթ Բեկի փողոցում. մոտ 2 մետր խորությամբ փոս է առաջացել
Փրկարար ծառայությունը հաղորդում է, որ մայիսի 25-ին՝ ժամը 07:29-ին, Ճգնաժամային կառավարման ազգային կենտրոն ահազանգ է ստացվել, որ Երևանի Դավիթ Բեկի փողոցում մոտ 2 մետր խորությամբ փոս է առաջացել։
Փրկարար ծառայության փոխանցմամբ՝ Դավիթ Բեկի փողոցի թիվ 7/5 հասցեի մոտակայքում՝ ճանապարհի երթևեկելի հատվածում, տեղի է ունեցել փլուզում։
Տեղեկատվությունը փոխանցվել է Կոմունալ տնտեսության վարչություն։ Փրկարարները սահմանազատել են տարածքը։
