Շատ հետաքրքիր առաջարկներ ունեմ Կովկասի անվտանգության հարցով․ Լուկաշենկոն՝ Պուտինին
Բելառուսի նախագահ Ալեքսանդր Լուկաշենկոն Մինսկի օդանավակայանում ՌԴ նախագահ Վլադիմիր Պուտինի հետ հանդիպման ժամանակ հայտարարել է, որ «շատ հետաքրքիր առաջարկներ ունի մեր տարածաշրջանի և Կովկասի անվտանգության հարցով»։
Նա նշել է, որ այդ առաջարկները լրջորեն քննարկվել են Ադրբեջան կատարած իր այցի ընթացքում։
Բելառուսական պաշտոնական լրատվամիջոցների կողմից հրապարակված այդ կարճատև տեսանյութում Լուկաշենկոն այլ մանրամասներ չի հայտնել։
Հիշեցնենք, որ ՌԴ նախագահը Բելառուս է ժամանել երեկ ուշ երեկոյան։ Պուտինն ու Ալեքսանդր Լուկաշենկոն Մինսկի օդանավակայանում կարճատև զրույց են ունեցել, ինչից հետո շփումը շարունակել են ոչ պաշտոնական մթնոլորտում։
Հանդիպման ընթացքում Լուկաշենկոն նշել է, որ քննարկումների ընթացքում առաջնահերթությունը տրվելու է անվտանգության հարցին։
