«Սա նաև խիստ պատիժ Է»․ Չինաստանը զորավարժություններ է սկսել Թայվանի մոտ
Թայվանի նոր նախագահի պաշտոնը ստանձնելուց հետո երրորդ օրը Չինաստանը սկսել է ծովային զորավարժություններ կղզու անմիջական հարևանությամբ: Դրանք կտևեն երկու օր։
Թայվանի նոր նախագահ Լայա Ցինդեի պաշտոնը ստանձնելուց ընդամենը մի քանի օր անց Չինաստանը սկսել է զորավարժություններ անցկացնել կղզու անմիջական հարևանությամբ, որը համարում է իր ապստամբ նահանգը: Այս մասին մայիսի 23-ին հայտարարել է Չինաստանի Ժողովրդական ազատագրական բանակի արեւելյան հրամանատարությունը։ Ավելի վաղ ՉԺՀ-ի իշխանությունները հայտարարել էին, որ Թայվան կղզին «Չինաստանի տարածքի անբաժանելի մասն է, իսկ Թայվանի գործերը Չինաստանի ներքին գործերն են»:
Հաղորդագրության մեջ հստակեցվում է, որ մայիսի 23-ի առավոտյան սկսված զորավարժություններին ներգրավված են չինական ցամաքային զորքերը, ռազմածովային նավատորմը, ռազմաօդային ուժերը և հրթիռային զորքերը: Զորավարժությունները կանցկացվեն Թայվանի նեղուցում, Թայվանի հյուսիսից, հարավից եւ արեւելքից, ինչպես նաեւ Թայվանի կողմից վերահսկվող Կինմեն, Մացու, Ուցյույ եւ Դունյին կղզիների շրջակայքում եւ կտեւեն մինչեւ մայիսի 24-ի երեկոյան:
«Սա նաեւ խիստ պատիժ Է Թայվանի անկախության կողմնակիցների անջատողական գործողությունների համար եւ խիստ նախազգուշացում արտաքին ուժերի միջամտության եւ սադրանքների դեմ», - Reuters-ը մեջբերում է ՉԺՀ-ի բանակի արեւելյան հրամանատարության պաշտոնական ներկայացուցչի հայտարարությունը:
