Կադիրովը պատմել է Զելենսկու հետ կապված «երազանքի» մասին
Չեչնիայի ղեկավար Ռամզան Կադիրովը երազում է Ուկրաինայի նախագահ Վլադիմիր Զելենսկիին նկուղում նստեցնել։ Այդ մասին նա խոստովանել է RT հեռուստաալիքի թղթակցի հետ զրույցում։
Լրագրողը Չեչնիայի ղեկավարին հարց է ուղղել, թե ինչ ճակատագիր է սպասվում Զելենսկիին։
«Ես երազանք ունեմ՝ Զելենսկին նստեցնել Չեչնիայի մեր նկուղում»,- ասել է Կադիրովը։
Չեչնիայի ղեկավարը խոսել է նաև Ուկրաինային արևմտյան զենք մատակարարելու հարցին իր վերաբերմունքի մասին։ Նրա խոսքով՝ որքան էլ արևմտյան երկրները զենք ուղարկեն Կիև, Ռուսաստանը, այնուամենայնիվ, կհաղթի հակամարտությունում։
«Մենք կհաղթենք, կտանք շայթանների վերջն ու այնտեղ նեոնացիստներ չեն լինի»,- եզրափակել է Կադիրովը։
