Իրանում նախագահի թեկնածուների գրանցումները կսկսվեն մայիսի 28-ից
Իրանի քաղաքացիները մայիսի 28-ից կարող են սկսել գրանցվել որպես Իսլամական Հանրապետության նախագահի թեկնածու։
Ինչպես հաղորդում է ТАСС-ը, Mehr գործակալությանը հղումով, այս մասին հայտարարել է Իրանի նախընտրական շտաբի մամուլի քարտուղար Մոհսեն Էսլամին։
«Սահմանադրության պահապանների խորհրդին խնդրել են մայիսի 28-ից սկսել թեկնածուների գրանցումը»,- նշեց նա։
Ավելի վաղ հաղորդվել էր, որ Իրանը հանձնաժողով կստեղծի Իսլամական Հանրապետության նախագահ Էբրահիմ Ռաիսիի ուղղաթիռի կործանման պատճառները հետաքննելու համար։
