ԼՈՒՍԱՆԿԱՐՆԵՐ․ Խոշոր ավտովթար՝ Երևանում․ բախվել են չորս մեքենա
Երեկ՝ մայիսի 11-ին, խոշոր ավտովթար է տեղի ունեցել Երևանում: Ժամը 21:50-ի սահմանում Մյասնիկյան պողոտայում՝ թիվ 16/6 հասցեի դիմաց բախվել են Tesla, Mercedes, Ford Fusion և Toyota Highlander մակնիշի ավտոմեքենաները: Հայտնում է shamshyan.com-ը։
Ինչպես դեպքի վայրից հայտնում է կայքը, վթարի հետևանքով, ըստ նախնական տեղեկությունների, տուժածներ չկան:
Հրշեջ-փրկարարները հոսանքազրկել են ավտոմեքենաները, փակել Ford Fusion-ի գազաբալոնի փականը, ավտոմեքենաները հեռացրել են վթարի վայրից, ապա կատարել ճանապարհի լվացման աշխատանքներ:
Վթարի հետևանքով առաջացել էր մի քանի կիլոմետրանոց խցանում: Վթարի փաստով ՊԾ Երևան քաղաքի գնդի 2-րդ գումարտակում փաստաթղթեր են կազմվում:
Կայքի տեղեկություններով՝ Tesla-ն վարել է Երևանի բնակիչ 30-ամյա Միլենա Սանամյանը, Mercedes-ը վարել է Շիրակի մարզի բնակիչ 27-ամյա Էդիկ Արիստակեսյանը, Ford Fusion-ը վարել է Երևանի բնակիչ 31-ամյա Կարո Նաղդալյանը, իսկ Toyota Highlander-ը վարել է Երևանի բնակիչ 28-ամյա Գուրգեն Սահակյանը:Վարորդները ենթարկվել են սթափության փորձաքննության, եղել են սթափ:
