Եգիպտոսը հրաժարվել է Իսրայելի հետ համակարգել Գազայի հատվածին Ռաֆահ անցակետով օգնության տրամադրումը
Եգիպտոսը հրաժարվել է Իսրայելի հետ համակարգել Գազայի հատված Ռաֆահ անցակետով օգնության մատակարարումը ՝ «անընդունելի էսկալացիայի» պատճառով, հաղորդում է եգիպտական Alqahera News պետական արբանյակային հեռուստաալիքը՝ վկայակոչելով բարձրաստիճան պաշտոնյային:
Պաշտոնյան նաև ասել է, որ Եգիպտոսն Իսրայելին պատասխանատու է համարում Գազայի հատվածում իրավիճակի վատթարացման համար։
Իսրայելական զորքերը մայիսի 7-ին գրավել են Ռաֆահի հիմնական սահմանային անցակետը՝ փակելով պաշարված անկլավին օգնության կենսական ճանապարհը:
ՄԱԿ-ը և միջազգային օգնության այլ գործակալություններ ասում են, որ Գազայի հարավում գտնվող երկու անցակետերի փակումը` Ռաֆահը և Իսրայելի կողմից վերահսկվող Քերեմ Շալոմը, գործնականում կտրել են անկլավն արտաքին օգնությունից, և ներսում շատ քիչ խանութներ են մնացել:
Եգիպտոսում Կարմիր մահիկի աղբյուրները հայտնել են, որ մատակարարումները ամբողջությամբ դադարեցվել են:
