Մեկնարկել է Բագրատ Սրբազանի առաջնորդած երթը․ հայտնի է Երևանում շարժման երթուղին
Մայիսի 4-ից Տավուշի մարզի Կիրանց գյուղից Տավուշի թեմի առաջնորդ Բագրատ արքեպիսկոպոս Գալստանյանի գլխավորած երթը, որը երեկ երեկոյան հասել էր Աբովյան քաղաք, այսօր ժամը 11։00-ին շարժվում է դեպի Երևան։ Այսօր ժամը 16:00-ին Հանրապետության հրապարակում երթի մասնակիցներն ու նրանց միացած քաղաքացիները հավաք կանեն։
Հինգ իրավապաշտպաններ էլ հանձնառել են «Հանուն Հայրենիքի» շարժման նախաձեռնած խաղաղ հավաքների մասնակիցների իրավունքների պաշտպանությունը։ Նախաձեռնությանը միացել է 20 փաստաբան։
Գործարկվել է նաև թեժ գիծ՝ 095 08 87 87, որն աշխատելու է շուրջօրյա ռեժիմով։
Այսօրվա երթուղին՝ Թբիլիսյան խ․, Կոմիտասի պ․, Բաղրամյան փ․, Մաշտոցի պ․, Ամիրյան փ․ և վերջնակետը՝ Հանրապետության Հրապարակ։
