ՏԵՍԱՆՅՈՒԹ․ Բողոքի ակցիա՝ ՆԳՆ–ի դիմաց՝ ի աջակցություն տավուշցիների

«Հայաքվե» նախաձեռնությունը ՆԳՆ–ի դիմաց բողոքի ակցիա է իրականացնում՝ ի աջակցություն տավուշցիների:

Նրանց ձեռքին կան պաստառներ. «Հանցակից մի դարձեք», «Ձեզ խաբում են. «Մի խախտեք մայր օրենքը», «ապահովեք ազատ տեղաշարժի իրավունքը», «Հանձնեք ուսադիրները, միացեք ժողովրդին», «Դուք «յաշմա» չեք»:

Նախաձեռնության համակարգող Ավետիք Չալաբյանը լրագրողների հետ զրույցում հայտարարեց, որ Ադրբեջանին հանձնվող տարածքները Հայաստանի Հանրապետության տարծք են համարվում, քանի որ չկա որեւէ միջպետական պայմանագիր, որով Հայաստանը այդ տարածքները ճանաչած կլինի որեւէ այլ պետության կազմում:

ՆԳՆ մամուլի խոսնակ Նարեկ Սարգսյանը լրագրողների հետ զրույցում նշեց, որ նախարարն այս պահին տեղում չէ, քննարկման է՝  նշելով՝ կազմակերպիչներից կոնտակտներ կվերցնեն ու հանդիպում կկազմակերպեն։ 

Ի պատասխան նախաձեռնության անդամներից Մենուա Սողոմոնյանն ասաց՝ ուզում են, որ ՆԳՆ նախարարի հետ հանդիպումը լինի լրատվամիջոցների ներկայությամբ։

Հիշեցնենք, որ վաղ առավոտյան ժամը 6-ի սահմաններում ոստիկանության մեծ ուժեր են ժամանել Կիրաց գյուղ, որտեղից բիրտ ուժ կիրառելով բերման են ենթարկել ճանապարհը փակած բնակիչներին, այդ թվում անչափահասների: Ականատեսները պատմում են, որ մարդկանց ծեծելով են բերման ենթարկել: Ոստիկանության բաժանմունքի մոտ է նաեւ Բագրատ Սրբազանը:

ՆԳՆ-ն հաղորդագրություն է տարածել՝ նշելով, որ ՊՆ-ն ականազերծման աշխատանքներ է իրականացնում Կիրանց-Խեյրիմլի հատվածում, դրա համար ճանապարհները փակվել են: Թույլ չեն տալիս գյուղ մտնել նաեւ լրագրողներին:

Գյուղապետ Կամո Շահինյանի խոսքով, նրանք հերթապահություն էին իրականացնում, որպեսզի թույլ չտան ականազերծման աշխատանքներ իրականացնել:

Մանրամասները՝ տեսանյութում։