Ղրղզստանի իշխանությունները քաղաքացիներին կոչ են արել հրաժարվել Ռուսաստան մեկնելուց

Ղրղզստանի քաղաքացիներին խորհուրդ է տրվել որոշ ժամանակով զերծ մնալ Ռուսաստան մեկնելուց։ Նման հանձնարարական է տեղադրել Ղրղզստանի արտաքին գործերի նախարարության մամուլի ծառայությունը։

Գերատեսչության տեղեկատվության համաձայն՝ Ղրղզստանի քաղաքացիներին խորհուրդ է տրվում ժամանակավորապես հրաժարվել ՌԴ տարածք այցելելուց մինչև ավելի վաղ սահմանված անվտանգության լրացուցիչ միջոցների գործողության կասեցումը և պետական սահմանին վերահսկողության ռեժիմի խստացումը:

ԱԳՆ-ում նշել են, որ Ռուսաստան այցելելու համար բավարար հիմքերի բացակայության դեպքում ավելի լավ է այդ երկիր այց չիրականացնել։

«Եթե Ձեզ անհրաժեշտ է մեկնել ՌԴ, ապա պետք է նախապես ստուգել՝ արդյոք մուտքի սահմանափակումներ չկան», — ընդգծվում է հրապարակման մեջ:

Ապրիլի սկզբին Ղրղզստանի փոխարտգործնախարար Ալմազ Իմանգազիևը հայտարարել էր, որ Ղրղզստանի 69 քաղաքացիների թույլ չեն տվել մտնել Ռուսաստանի տարածք Կրոկուս Սիթի Հոլում տեղի ունեցած ահաբեկչությունից հետո: