Հայտնի է, թե ինչ են քննարկել Միրզոյանն ու Կլաարը
ՀՀ արտգործնախարար Արարատ Միրզոյանն ու Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը քննարկել են Հայաստանի և Ադրբեջանի միջև հարաբերությունների կարգավորման գործընթացի վերջին զարգացումները։ Տեղեկությունը հայտնում է ՀՀ ԱԳՆ մամուլի ծառայությունը։
«Զրուցակիցները քննարկել են նաև ՀՀ–ի և Եվրոպական միության միջև գործընկերության օրակարգային հարցեր»,– ասված է հաղորդագրությունում:
Ավելի վաղ տեղեկացրել էինք, որ Կլաարին ընդունել են ՀՀ վարչապետ Նիկոլ Փաշինյանն ու ԱԺ փոխնախագահ Ռուբեն Ռուբինյանը։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:
