ՏԵՍԱՆՅՈՒԹ. Հայաստան-Վրաստան միջպետական ճանապարհը բացվել է

Բաղանիսի, Կիրանցի, Ոսկեպարի բնակիչներն ու Երևանից նրանց միացած ակտիվիստները որոշ ժամանակով բացել են Հայաստան-Վրաստան միջպետական ճանապարհը, որպեսզի մեքենաների մի քանի կիլոմետրանոց հերթը կարողանա անցնել: 24news-ի տեսանյութում տեսնում ենք, որ ոստիկանների միջամտությունից հետո ցուցարարները բացել են ճանապարհը։ 

Sputnik-ի հետ զրույցում ցուցարարներից մեկը հայտնեց, որ այս հատվածում իրավիճակը թեժացել էր, շատ բախումներ եղան, իրավիճակը գնալով ավելի լարված էր դառնում, քանի որ իրենց նպատակն էլ դա չէ, որոշեցին այս հատվածում դադարեցնել ակցիան։ Հիմա շարժվում են դեպի Բաղանիս։

Հիշեցնենք, որ ավելի վաղ հաղորդվել էր, որ գյուղացիները կրկին փակել էին Երևան-Նոյեմբերյան միջպետական ճանապարհը։ Պատճառն այն էր, որ չնայած երեկ երեկոյան բնակիչներին տված խոստմանը, այսօր առավոտյան սկսել են Կիրանցի հարակից հատվածներում ականազերծման աշխատանքներ ՊՆ-ի կողմից, սակայն ոստիկանները հայտնել են, որ թյուրիմացություն է եղել պայմանավորվածությունից տեղյակ չեն եղել ՊՆ-ի աշխատակիցները։