«Առավոտյան 7։20 տնօրենն ասաց, որ արդեն դիմել են և՛ ոստիկանություն, և՛ ԱԱԾ։ Ժամանակին բոլորս եկել ենք դպրոց, սկզբում երեխաները մեծ հոսքով գալիս էին, հետո սկսվեց խուճապ, ծնողներից շատերը եկան, երեխաներին տարան»։

Ուժեղացված հսկողություն չկա, դպրոցում մի քանի ոստիկաններ են և ԱԱԾ աշխատակիցներ, որոնք ստուգումներ են իրականացրել։ Այս մասին ArmeniaSputnik–ին ասաց Նիկոլ Աղբալյանի անվան թիվ 19 դպրոցի փոխտնօրեն Մարիամ Հայրապետյանը։

Ամեն դեպքում ԿԳՄՍՆ–ն իրավապահներին տեղեկացրել է դպրոցներում նախապատրաստվող ահաբեկչության մասին տարածվող տեղեկության մասին՝ խնդրելով ստուգել այն։

«Այս պահին դպրոցներում դասերը շարունակվում են, բայց մենք իրավապահներին խնդրել ենք ստուգել հաղորդումները», - Sputnik Արմենիային հայտնեցին նախարարության մամուլի ծառայությունից։

Նշենք, որ լրատվամիջոցի տեղեկություններով` իրավապահները ստուգումներ են անցկացնում բոլոր դպրոցներում, այս պահին ԱԱԾ-ի ու ոստիկանության աշխատակիցներ կան նաև Նիկոլ Աղբալյանի անվան դպրոցում, նրանք սպասում են տնօրենին։