Հայտնի է՝ տարեսկզբից Ռուսաստանում Ուկրաինայի հարվածների հետևանքով քանի խաղաղ բնակիչ է զոհվել
2024 թվականի առաջին եռամսյակում Ուկրաինայի զինված ուժերը 22 հազար զինամթերք է արձակել Ռուսաստանում քաղաքացիական օբյեկտների ուղղությամբ։ Այս մասին ճեպազրույցի ժամանակ հայտարարել է ՌԴ արտաքին գործերի նախարարության հատուկ հանձնարարությունների գծով դեսպան Ռոդիոն Միրոշնիկը:
Նրա խոսքով՝ տարեսկզբից Ռուսաստանի տարածքին հասցված հարվածների հետևանքով 201 խաղաղ բնակիչ է զոհվել։
Հիշեցնենք, որ ՌԴ պաշտպանության նախարար Սերգեյ Շոյգուն ավելի վաղ հայտարարել էր, որ 2024 թվականի հունվարից Ուկրաինայի Զինված ուժերը կորցրել են ավելի քան 80 հազար զինծառայող, 14 հազար միավոր սպառազինություն, այդ թվում ՝ ավելի քան 1,2 հազար տանկ ։
