Արևմուտքի փորձերն ապագայում բացասական հետևանքների կհանգեցնեն․ Ալիև

Հայաստանը Հարավային Կովկասում զինված ֆորպոստի (առաջադիրք) վերածելու Արևմուտքի փորձերն ապագայում բացասական հետևանքների կհանգեցնեն։ Այս մասին հայտարարել է Ադրբեջանի նախագահ Իլհամ Ալիևը։

«Եվրախորհրդարանի, Եվրոպայի խորհրդի հակաադրբեջանական հայտարարությունները, որոնցով նրանք հանդես են գալիս անցյալ տարվա սեպտեմբերից մինչ օրս, Հայաստանը Հարավային Կովկասում զինված ֆորպոստի վերածելու փորձերը ապագայում շատ մեծ բացասական հետևանքների կհանգեցնեն։ Այդ կապակցությամբ մենք հանդես ենք եկել հայտարարություններով, որպեսզի զգուշացնենք ԱՄՆ - ում և Եվրոպայում մեր գործընկերներին», - ասել է Ադրբեջանի ղեկավարը ։

Ավելի վաղ հայտնել էինք, որ Ալիևը հայտարարել է՝ «Բրյուսելում ԱՄՆ-ԵՄ-Հայաստան հանդիպումը վտանգի ևս մեկ աղբյուր է ստեղծում Հարավային Կովկասի համար»: