ՏԵՍԱՆՅՈՒԹ․ Ռուսական ԱԹՍ հարձակումների հետևանքով Խարկովում կան զոհեր և վիրավորներ
Ռուսական անօդաչու թռչող սարքի հարվածների հետևանքով ուկրաինական Խարկով քաղաքում գիշերը զոհվել է 4 մարդ, ևս 12-ը՝ վիրավորվել։ Այս մասին ապրիլի 4-ին հայտնել են տեղական իշխանությունները:
Խարկովի քաղաքապետ Իգոր Տերեխովը Տելեգրամում գրել է, որ քաղաքը ենթարկվել է առնվազն չորս զանգվածային անօդաչու սարքերի հարձակումների. իր տվյալներով՝ դրանք իրականացվել են ինչպես մասնավոր, այնպես էլ բազմաբնակարան շենքերի վրա։ Նրա հաղորդմամբ՝ զոհերից երեքը փրկարարներ են, նրանք զոհվել են դեպքի վայրում երկրորդ հարվածի ժամանակ:
Հաղորդվում է նաև, որ Խարկովում տեղի ունեցած միջադեպի հետևանքով վնասվել է շտապօգնության երեք մեքենա: Նշվում է, որ Խարկովի որոշ շրջաններում էլեկտրականության խափանումներ են առաջացել։
