Պեսկովը հայտարարել է, որ ՌԴ-ի և ՆԱՏՕ-ի հարաբերությունները հասել են ուղիղ առճակատման մակարդակի

Ռուսաստանի և Հյուսիսատլանտյան դաշինքի (ՆԱՏՕ) հարաբերությունները հասել են ուղիղ առճակատման մակարդակի։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

«Իրականում այս հարաբերությունները այժմ իջել են ուղիղ առճակատման մակարդակի: Իրոք, ՆԱՏՕ-ի երկրները, դաշինքն ինքը արդեն ներգրավված է Ուկրաինայի հակամարտությունում: ՆԱՏՕ-ն շարունակում է իր ընթացքը, իր ռազմական ենթակառուցվածքի ընդլայնումը դեպի մեր սահմաններ», – ասել է Պեսկովը:

ՌԴ նախագահի մամուլի քարտուղարը նաև ՆԱՏՕ-ն անվանել է «ապակայունացնող գործոն եվրոպական մայրցամաքում, որը չի նպաստում անվտանգությանը»։