ՆԱՏՕ-ն պետք է փոխի Ուկրաինային հատկացվող օգնության դինամիկան․ Ստոլտենբերգ

ՆԱՏՕ-ն պետք է «փոխի Ուկրաինային հատկացվող օգնության դինամիկան»։ Այս մասին գլխավոր քարտուղար Յենս Ստոլտենբերգը հայտարարել է ՆԱՏՕ-ի անդամ պետությունների արտգործնախարարների՝ այսօր Բրյուսելում մեկնարկած հավաքի մեկնարկին։

«Մենք պետք է ապահովենք անվտանգության ասպարեզում Ուկրաինային երկարաժամկետ վստահելի և կանխատեսելի օժանդակության տրամադրումը։ Դա հնարավորություն կտա առավելապես հիմնվել ՆԱՏՕ-ի երկարամյա պարտավորությունների և այլ ոչ թե կամավոր հանգանակությունների կամ կարճաժամկետ խոստումների վրա», - հայտարարել է Ստոլտենբերգը։

Դաշինքի անդամներն առաջիկա երկու օրերին քննարկելու են Ուկրաինային շուրջ 100 միլիոն եվրոյի ուղղակի երկարաժամկետ աջակցության հիմնադրամի ստեղծման հարցը։

«Նման մեխանիզմի գոյությունը կարող է ապահովագրել Ուկրաինային հատկացվող օգնությունը ԱՄՆ նախագահական ընտրություններում Դոնալդ Թրամփի հնարավոր հաղթանակի անցանկալի հետևանքներից», - Reuters-ին են փոխանցել ՆԱՏՕ-ին մոտ կանգնած աղբյուրները։