Իսպանիան մտադիր է պաշտոնապես ճանաչել Պաղեստին պետությունը

Իսպանիան մտադիր է մոտ ապագայում, մինչ գալիք ամառը, պաշտոնապես ճանաչել Պաղեստին պետությունը։ Այս մասին Մերձավոր Արևելք կատարած պաշտոնական այցի ժամանակ ասել է Իսպանիայի վարչապետ Պեդրո Սանչեսը

Նա հայտնել է, որ կդիմի Իսպանիայի խորհրդարանին՝ Պաղեստին պետությունը ճանաչելու առաջարկով։

Վարչապետն ընդգծել է, որ սպասում է մինչև 2024 թվականի հուլիս Իսպանիայի կողմից պաղեստինյան պետության պաշտոնական ճանաչմանը: Նա նաև կարծիք է հայտնել, որ Եվրամիությունում շուտով կձևավորվի «կրիտիկական զանգված», որը կնպաստի, որ մյուս անդամ երկրներն այս հարցում կհետևեն Իսպանիայի օրինակին:

Հայտարարության մեջ նաև նշված է, որ տարածաշրջանում հարատև և կայուն խաղաղության հասնելու միակ ճանապարհը «երկու պետություն» լուծումն է, որտեղ Իսրայելն ու Պաղեստինը կողք կողքի կապրեն խաղաղ ու անվտանգ։