Ինչ անել այն դեպքում, եթե ՌԴ միգրացիոն որոշ կետերում ձեզնից պահանջում են կլոր կնիքի առկայությունը

Ավելի վաղ  հայտնել էինք ՀՀ ՆԳՆ-ն անդրադարձը, որը վերաբերում էր ՌԴ միգրացիոն որոշ կետերում ՀՀ անձնագրում կլոր կնիքի պահանջին:

Այն, որ 2024 թ. հունվարի 1–ից սովորական (ոչ կենսաչափական) ՀՀ անձնագրերը տրամադրվելու է առանց օտարերկրյա պետություններում վավերականության մասին նշման, ՀՀ Ներքին գործերի նախարարության միգրացիայի և քաղաքացիության ծառայությունը տեղեկացրել է ՀՀ-ում գործող օտարերկրյա պետությունների դիվանագիտական ծառայության մարմիններին։ Նախորդ տարի, այս փոփոխությոյան մասին ՀՀ ԱԳ նախարարությունը եւս տեղեկացրել էր իր պաշտոնական կայքում, եռալեզու տարբերակով, նշելով որ որոշումը ուղարկվել է ՀՀ-ում գործող օտարերկրյա պետությունների դիվանագիտական ծառայության մարմիններին:

Ինչ անել այն դեպքում եթե այդուամենայնիվ ՌԴ միգրացիոն որոշ կետերում ձեզնից պահանջում են կլոր կնիքի առկայությունը:

Որպես օգնության տարբերակ, կարող եք ԱԳ նախարարության կաքում որոնել ու գտնել ՀՀ ՔԱՂԱՔԱՑՈՒ ՈՉ ԿԵՆՍԱՉԱՓԱԿԱՆ ԱՆՁՆԱԳՐՈՒՄ ՕՏԱՐԵՐԿՐՅԱ ՊԵՏՈՒԹՅՈՒՆՆԵՐՈՒՄ ՎԱՎԵՐԱԿԱՆՈՒԹՅԱՆ ՄԱՍԻՆ ՆՇՈՒՄ ԿԱՏԱՐԵԼՈՒ ԿԱՐԳԻ ՓՈՓՈԽՈՒԹՅԱՆ մասին որոշման թե ռուսերեն թե անգլերեն տարբերակները: Տպեք եւ դրանք թղթային տարբերակով վերցրեք Ձեզ հետ: Միգուցե այս կերպ հաջողվի խուսափել ավելորդ քաշքշուկներից:

Հայերեն տարբերակը` https://www.mfa.am/hy/2024 

Ռուսերեն տարբերակը` https://www.mfa.am/ru/2024 

Անգլերեն տարբերակը` https://www.mfa.am/en/2024