ԵՄ-ից պատասխանել են Լուկաշենկոյի՝ պատերազմի պատրաստվելու մասին հայտարարությանը

Եվրամիությունը «նախազգուշական միջոցներ է ձեռնարկում», որպեսզի ավելի լավ պատրաստվի հնարավոր սպառնալիքներին, բայց ինքը չի պատրաստվում հարձակվել ոչ մեկի վրա, քանի որ «ագրեսիվ միություն» չէ: Այդ մասին հայտարարել է ԵՄ արտաքին քաղաքական ծառայության պաշտոնական ներկայացուցիչ Պետեր Ստանոն՝ մեկնաբանելով Բելառուսի նախագահ Ալեքսանդր Լուկաշենկոյի խոսքերը «պատերազմի նախապատրաստվելու» մասին:

Ավելի վաղ Լուկաշենկոն հայտարարել էր, որ Բելառուսը պատրաստվում է պատերազմի, սակայն պատերազմել Մինսկը չի ցանկանում: Նրա խոսքով՝ երկրում ընթանում են համապատասխան ստորաբաժանումների անհրաժեշտ նախապատրաստությունները, զորքերին մատակարարվում են տարբեր տեսակի սպառազինություններ և տեխնիկա: Բելառուսի նախագահը նշել է, որ Մինսկը ոչ մեկին ոչնչով չի սպառնում։

«Մեզ պետք չէ որևէ մեկին սպառնալ։ Մենք օտար հող չենք ուզում, Աստված տա մեզ դա մշակենք», - ասել է Բելառուսի ղեկավարը։

«ԵՄ-ն սպառնալիք է ներկայացնում միայն նրանց համար, ովքեր ոտնահարում են իրենց քաղաքացիների իրավունքները, մարդու իրավունքները, ժողովրդավարությունն ու միջազգային իրավունքի հարգանքը։ ԵՄ-ն ագրեսիվ միություն չէ, ոչ ոք չպետք է վախենա Եվրամիությունից, միայն նրանք, ովքեր խախտում են եւ չեն հարգում միջազգային իրավունքը... ԵՄ-ն նախազգուշական միջոցներ է ձեռնարկում արդեն որոշ ժամանակ, սկսած Ուկրաինայի դեմ Ռուսաստանի ագրեսիայից, մենք ԵՄ-ին ավելի լավ պատրաստ ենք դարձնում ցանկացած սպառնալիքի», - ասել է Ստանոն՝ պատասխանելով Բելառուսի ղեկավարի հայտարարությունը մեկնաբանելու լրագրողների խնդրանքին։