Ռուսաստանում արգելված ահաբեկչական կազմակերպությունը ՌԴ-ում հրավիրվել է համաժողովի
Աֆղանստանում իշխանության ղեկին գտնվող «Թալիբան» շարժման պատվիրակությունը հրավիրվել է մասնակցելու «Ռուսաստան - իսլամական աշխարհ․ KazanForum» միջազգային տնտեսական համաժողովին: Այս մասին ՏԱՍՍ-ին հայտնել Է Աֆղանստանի հարցով ՌԴ նախագահի հատուկ ներկայացուցիչ, ԱԳՆ Ասիայի երկրորդ դեպարտամենտի տնօրեն Զամիր Կաբուլովը։
«Այո, նախատեսում է, նրանք հրավիրված են», - ասել է նա:
Կաբուլովը նաև նշել է, որ հակաահաբեկչության հարցով ՌԴ-ի և թալիբների կառավարության համագործակցությունը «կանոնավոր կերպով է ընթանում»։
Համաժողովը տեղի կունենա Կազանում մայիսի 14-19-ը:
Հիշեցնենք՝ «Թալիբան»-ը Ռուսաստանում արգելված ահաբեկչական կազմակերպություն է համարվում:
