Մտածել, որ նման էֆեկտ կլինի նախագահական համակարգում, դատարկ երազանքներ են․ Էրդողանի խորհրդական
Թուրքիայի նախագահի աշխատակազմը մերժել է արտահերթ ընտրությունների մասին կոչերը, Ռեջեփ Թայիփ Էրդողանի նախագահական լիազորությունների ժամկետը կտևի մինչև 2028 թվականը: Տեղեկությունը փոխանցում է ՌԻԱ Նովոստին։
Թուրքիայում կիրակի օրը տեղի են ունեցել տեղական ինքնակառավարման մարմինների ընտրություններ: Նախնական տվյալներով՝ Թուրքիայի ընդդիմադիր Ժողովրդահանրապետական կուսակցությունը (ԺՀԿ) 20 տարվա մեջ առաջին անգամ շրջանցում է իշխող «Արդարություն և զարգացում» կուսակցությանը (ԱԶԿ):
Խոշոր քաղաքների՝ Անկարայի, Ստամբուլի և Իզմիրի ընդդիմադիր քաղաքապետերը պահպանել են պաշտոնները։ Փորձագետները իշխող թիմի ձախողման պատճառ են համարել երկրի ծանր տնտեսական իրավիճակը, նրանց կանխատեսումներով՝ ընդդիմությունը հաջողության ֆոնին կարող է պահանջել արտահերթ նախագահական ընտրություններ:
«Հիմնական բանը, որ պետք է ընդգծել, այն է, որ նախագահական համակարգը չի կարող ընտրական պահանջներ առաջացնել կառավարության և խորհրդարանի նկատմամբ՝ հիմնված տեղական ընտրությունների արդյունքների վրա։ Նույնիսկ խորհրդարանական համակարգում ընդհանուր ընտրությունների վրա տեղական ընտրությունների ազդեցության հարցը լուծվում է ծայրահեղ հազվադեպ դեպքերում, իսկ մտածել, որ նման էֆեկտ կլինի նախագահական համակարգում, պարզապես դատարկ երազանքներ են։ Միգուցե կան մարդիկ, ովքեր երազում են նման երևակայությունների մասին, բայց համակարգը մի կողմ է դնում նման սփոփանքները», - գրել է Թուրքիայի առաջնորդի խորհրդական Մեհմեդ Ուչումը X սոցկայքում։
Նրա խոսքով՝ նրանք, ովքեր հաշվարկներ են կատարում (արտահերթ) համընդհանուր (նախագահական եւ խորհրդարանական) ընտրությունների համար՝ հիմնվելով տեղական ժողովներում կուսակցությունների քվեարկության ցուցանիշների վրա, «չպետք է իզուր փորձեն»:
«Չորս տարվա ընթացքում առանց ընտրությունների, որը կտեւի մինչեւ 2028 թվականը, Թուրքիան բարեփոխումների քաղաքականություն կվարի բոլոր ոլորտներում։ Նախագահ Էրդողանը Թուրքիան կտանի նոր փուլերի՝ կախված անկախ և ուժեղ Թուրքիայի հեռանկարից՝ ղեկավարելով երկիրը: Թող որևէ մեկի մոտ կասկած չմնա», - նշել Է խորհրդականը։
