Չախոյանը՝ Փաշինյանի հրաժարականի և արտահերթ ընտրությունների վերաբերյալ լուրերի մասին

Վարչապետի հրաժարականից մինչև արտահերթ ընտրություններ՝ որոշ լրատվամիջոցներ որպես ապրիլմեկյան կատակ սուտ լուրեր են տարածում՝ մոլորեցնելով հանրությանը։  Այս մասին իր ֆեյսբուքյան էջում գրառում է կատարել վարչապետի աշխատակազմի ղեկավարի տեղակալ Տարոն Չախոյանը։

«Վարչապետի հրաժարականից մինչև արտահերթ ընտրություններ՝ որոշ լրատվամիջոցներ որպես ապրիլմեկյան կատակ սուտ լուրեր են տարածում՝ մոլորեցնելով հանրությանը։ Հատկանշական է, որ սուտ լուրերը տարածող նույն լրատվամիջոցների համար ամբողջ տարին է Ապրիլի 1։ Նմանօրինակ հրապարակումներին խնդրում եմ լուրջ չվերաբերվել, բարձր տրամադրություն բոլորիս և շնորհավոր Ապրիլի 1»,- գրել է Չախոյանը։

Հիշեցնենք՝ որոշ լրատվամիջոցներ ավելի վաղ գրել էին Նիկոլ Փաշինյանի հրաժարականի, արտահերթ խորհրդարանական ընտրությունների և կուսակցության հրատապ նիստի մասին։