ԼՈՒՍԱՆԿԱՐՆԵՐ․ Ավտովթար՝ Երանում․ մեքենաներից մեկը կողաշրջվել է. կա վիրավոր

Այսօր՝ ապրիլի 1-ին, ավտովթար է տեղի ունեցել Երանում: ժամը 07:40-ի սահմաներում Նուբարաշենի խճուղում բախվել են Երևանի բնակիչ 36-ամյա Արթուր Ասիրյանի վարած «Volkswagen Jetta» մակնիշի և Արարատի մարզի բնակիչ 44-ամյա Գևորգ Մալխասյանի վարած «ՎԱԶ 2107» մակնիշի ավտոմեքենաները:

Ինչպես հայտնում է shamshyan.com-ը, բախման հետևանքով 07-ը կողաշրջվել է, իսկ նրա ուղևոր, Երևանի բնակիչ 47-ամյա Հայկ Մկրտչյանը, ում առաջինն օգնության են հասել քաղաքացիները, վթարված «Volkswagen»-ի վարորդը և Երևանի 1-03 շտապօգնության բժիշկների հերթապահ խմբի բժիշկները, մարմնական վնասվածքներով տեղափոխվել է «էրեբունի» բժշկական կենտրոն:

Վարորդները տեղում ենթարկվել են սթափության փորձաքննության, եղել են սթափ: