ԱՄՆ շարժական հրահանգիչների խումբը Հայաստանում է

ԱՄՆ շարժական հրահանգիչների խումբն այսօր այցելել է Հայաստանի Հանրապետություն։ Այս մաին հայտնում է ՀՀ պաշտպանության նախարարության մամուլի ծառայությունը։

Նրանք ՀՀ են ժամանել պաշտպանության ոլորտում ՀՀ–ԱՄՆ համագործակցության շրջանակում:

«ՊՆ վարչական համալիրում ապրիլի 1–5–ը հրահանգիչները ՊՆ տեղեկատվության և հասարակայնության հետ կապերի վարչության և «Զինուժ Մեդիա» պետական հիմնարկի ծառայողների հետ անցկացնելու են հանրային կապերի և հաղորդակցության ոլորտում փորձի փոխանակման վարժանքներ»,– ասված է հաղորդագրության մեջ:

Ծրագրի մեկնարկին բացման խոսքով հանդես է եկել ՀՀ պաշտպանության նախարարի առաջին տեղակալ, ԶՈւ ԳՇ պետ, գեներալ–լեյտենանտ Էդվարդ Ասրյանը։