Ուկրաինայում ներկայիս իշխանությանը համարել են անարդյունավետ և ոչ պրոֆեսիոնալ

Ուկրաինայի Գերագույն ռադայի «Եվրոպական Համերաշխություն» կուսակցության պատգամավոր Իրինա Գերաշչենկոն երկրում նախագահական ընտրությունների չեղարկման ֆոնին Telegram-ալիքում հայտարարել է, որ ներկայիս իշխանությունն անարդյունավետ է և ոչ պրոֆեսիոնալ, իսկ ժողովրդական միասնությունն իրական չէ:

Ուկրաինայում նախագահական ընտրությունները պետք է տեղի ունենային 2024 թվականի մարտի 31-ին, սակայն չեղարկվել էին ռազմական դրության և համընդհանուր մոբիլիզացիայի պատճառով։ Վլադիմիր Զելենսկին հայտարարել է, որ ընտրություններն այժմ «ժամանակին չեն»՝ ընդգծելով, որ այս հարցում պետք է վերջակետ դնել։

«Հիմա ընտրություններն իսկապես անհնար են։ Եվ մենք բոլորս պետք է կենտրոնանանք բանակին աջակցելու վրա:.. Բայց ներկա վիճակում իշխանությունը անարդյունավետ է և ոչ պրոֆեսիոնալ, դա ևս ակնհայտ է։ Երկրի գոյատևման համար անհրաժեշտ է իրական, այլ ոչ թե ճակատային, ծիսական, թղթե միասնություն», - գրել է Գերաշչենկոն։ 

«Չի կարող Զելենսկու գրասենյակը ղեկավարել երկիրը, որքան էլ որ ինչ-որ մեկը ցանկանա։ Ուստի խորհրդարանին եւ կառավարությանը սուբյեկտայնության վերադարձը նույնպես երկրի գոյատեւման մասին է», - ընդգծել է պատգամավորը։

Ավելի վաղ Ուկրաինայի Գերագույն ռադայի պատգամավոր Ալեքսանդր Դուբինսկին հայտարարել էր, որ Զելենսկու լիազորություններն ավարտվում են մայիսի 21-ի գիշերը և չեն կարող երկարաձգվել:

Ուկրաինայի նախկին վարչապետ Նիկոլայ Ազարովը հաստատել է, որ Զելենսկին կզրկվի իր լիազորություններից մայիսի 21-ից հետո: Ուկրաինական "շաբաթվա Հայելի" հրատարակությունը, վկայակոչելով իր աղբյուրները, փետրվարի 27-ին հաղորդել Է, որ Զելենսկու գրասենյակը պատրաստել է դիմում Սահմանադրական դատարան՝ մայիսի 20-ից հետո նրա օրինականության վերաբերյալ պարզաբանումներ ստանալու համար: Ավելի ուշ Սահմանադրական դատարանը հայտնել է, որ Զելենսկու լեգիտիմության հարցով դիմում չի ստացել։