Հայաստանում Եվրամիության առաքելությունը վերածվում է ՆԱՏՕ-ի առաքելության: Այս մասին Իզվեստիա-ին տված հարցազրույցում հայտարարել է Ռուսաստանի արտգործնախարար Սերգեյ Լավրովը: «Այժմ այնտեղ դեռ զինծառայողներ են ուղևորվում Նորվեգիայից, Կանադայից և Միացյալ Նահանգներից՝ Եվրամիության առաքելությունը վերածելով Հյուսիսատլանտյան դաշինքի առաքելության», - ասել է նա:

Լավրովը հիշեցրել է, որ ՀՀ վարչապետ Նիկոլ Փաշինյանը 2021 թվականին ՀԱՊԿ առաքելության փոխարեն "Հայաստան է կանչել Եվրամիության խաղաղապահ առաքելությանը՝ Ադրբեջանին խոստանալով, որ դա ընդամենը երկու ամսով է"։ "Իսկ երկու ամիս անց, անտեսելով Ադրբեջանին, Եվրամիությունը կրկնապատկեց այդ առաքելությունը", - նշել է ռուս նախարարը: «Վերջին մի քանի տարիների այս ամբողջ պատմությունը խեղաթյուրվում է և պարոն Փաշինյանի, և նրա աշխատակիցների, Հայաստանի խորհրդարանի ղեկավարության կողմից», - նշել Է ՌԴ ԱԳ նախարարը: