Բրիտանիայում փաստեր են բացահայտել բանակից տվյալների և զենքի արտահոսքի մասին
Մեծ Բրիտանիայի զինված ուժերը կորցրել են մի քանի գնդացիրներ, գրոհային հրացաններ, հրթիռային կայանքներ եւ հազարավոր փամփուշտներ: Այս մասին հաղորդում է The Telegraph-ը: Տեղեկությւնը փոխանցում է ՌԻԱ Նովոստին:
«Այլ կորուստների թվում են ապաակտիվացված ռուսական հրթիռային կայանքը, մինչեւ ութ SA - 80 հրացան եւ մի քանի Glock ատրճանակ»,-թվարկում Է հրատարակությունը:
Ընդհանուր առմամբ, 2018 թվականից ի վեր ռազմակայաններից գողացել են առնվազն 30 միավոր զենք։ Բացի այդ, վերջին չորս տարվա ընթացքում պաշտպանության նախարարությունից անհետացել են առնվազն 1400 նոթբուք և մոտ 300 USB-կրիչ, որոնց վրա կարող էին գաղտնի տվյալներ պահվել, ասվում է հոդվածում:
Խորհրդարանի անդամ Սառա Օլնին հայտարարել է, որ տեղի ունեցածը չի կարող բրիտանացիների մոտ անհանգստություն չառաջացնել իրենց անձնական անվտանգության համար:
Չնայած այն հանգամանքին, որ ոստիկանությունը հետաքննություն է սկսել, կորած զենքերից ոչ մեկը չի հայտնաբերվել,- գրված է նյութի մեջ:
