Նախատեսվո՞ւմ է Ռուսաստանում արգելափակել «Telegram»-ը․ Պեսկովը պատասխանել է

Ռուսաստանի տարածքում Telegram-ը արգելափակելու ծրագրեր այժմ չկան, բայց դրա հիմնադիր Պավել Դուրովը պետք է ավելի մեծ ուշադրություն դարձնի այն փաստին, որ ռեսուրսն օգտագործվում է նաև ահաբեկիչների կողմից: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը «Telegram»-ի «Shot» ալիքին։

«Ոչ, նման ծրագրեր այս պահին չկան», - ասել Է Կրեմլի ներկայացուցիչը՝ պատասխանելով այն հարցին, թե նախատեսում են արդյոք Ռուսաստանում արգելափակել Telegram-ը:

«Բայց, իհարկե, մենք Պավել Դուրովից ավելի մեծ ուշադրություն կակնկալեինք այն փաստի վրա, որ տեխնոլոգիական տեսանկյունից այս եզակի և ֆենոմենալ ռեսուրսը, ոը զարգացել է, ըստ էության, մեր սերնդի աչքի առաջ, այն ավելի ու ավելի է դառնում գործիք ահաբեկիչների ձեռքում, օգտագործվում ահաբեկչական նպատակներով», - նշել Է Պեսկովը ։

Ավելի վաղ հաղորդվել էր, որ Crocus City Hall-ում ահաբեկչություն իրականացրածները հավաքագրվել են «Խորասանի ձայն» տելեգրամյան ալիքի միջոցով։ Այն սերտորեն կապված է «Իսլամական պետության» աֆղանական թևի հետ: