«Կրոկուս սիթի հոլի» զոհերի մեջ է նաև ՌԴ ԱԳՆ աշխատակցուհին
«Կրոկուս սիթի հոլի» ահաբեկչության ժամանակ զոհվել է Ռուսաստանի ԱԳՆ աշխատակցուհի Տատյանա Ռեպինան։
«Լեզվաբանական ապահովման դեպարտամենտը խորը ցավով հայտնում է, որ 2024 թվականի մարտի 22 - ին «Կրոկուս սիթի հոլում» տեղի ունեցած հրեշավոր ահաբեկչության հետևանքով ողբերգականորեն մահացել է Ռեպինա Տատյանա Ալեքսեևնան», - ասվում է ՌԴ ԱԳՆ կայքում հրապարակված հաղորդագրության մեջ։
Ռեպինան աշխատում էր լեզվաբանական ապահովման վարչությունում։ Նա 23 տարեկան էր։
Հիշեցնենք, որ ահաբեկչությունը «Կրոկուս սիթի հոլ» համերգասրահում տեղի է ունեցել մարտի 22-ին։ Զոհվել է առնվազն 139 մարդ, տուժել՝ 182 -ը ։
