Նրանք սկսում են Ռուսաստանի և Ուկրաինայի միջև պատերազմը վերածել անձնական գործի. Հունգարիայի ԱԳՆ

Եվրամիության շատ երկրների առաջնորդները համակված են ռազմական փսիխոզով, Ուկրաինայում հակամարտությունը վերածում են անձնական գործի, և դրա արդյունքը կարող է լինել այնտեղ Արևմտյան զորքեր ուղարկելը։ Նման նախազգուշացումով է հանդես եկել Հունգարիայի արտաքին գործերի եւ արտաքին տնտեսական կապերի նախարար Պետեր Սիյարտոն: տեղեկատվությունը փոխանցում է ՏԱՍՍ-ը:

Նրա կարծիքով ՝ «Եվրոպայում քաղաքական գործիչները սկսում են կորցնել ողջախոհությունը, խաղաղության ձայնը թուլանում է, իսկ եվրոպական քաղաքական առաջնորդների մեծ մասը տառապում է ռազմական փսիխոզով»:

«Նրանք խոսում են պատերազմի լեզվով և մտածում են այնպես, կարծես իրենք պատերազմի մեջ են։ Նրանք ակնհայտորեն սկսում են Ռուսաստանի և Ուկրաինայի միջև պատերազմը վերածել անձնական գործի և այլևս չեն կարող որոշումներ կայացնել ՝ առաջնորդվելով ողջախոհությամբ», - ասել է արտգործնախարարը։ Նա հավելել է, որ դրա արդյունքը կարող են լինել Ուկրաինա ցամաքային զորքեր ուղարկելու մասին հայտարարությունները: