Ոմանք մահացել են միմյանց գրկած. «Կրոկուս Սիթի Հոլլ»-ի զուգարաններից մեկից հայտնաբերվել է 28 զոհվածի մարմին
«Կրոկուս Սիթի Հոլլ»-ում տեղի ունեցած ահաբեկչական հարձակումից հետո համերգասրահի զուգարաններից մեկից հայտնաբերվել է 28 զոհվածի մարմին։ Տելեգրամյան Baza ալիքն է հայտնում այս մասին և նշում որ 14 մարմին էլ հայտնաբերվել է տարհանման աստիճաններից մեկի վրա։
Baza-ի աղբյուրների տվյալներով՝ «մահացածները պառկած են եղել ընտանիքներով, ոմանք մահացել են միմյանց գրկած։ Կան դեպքեր, երբ մայրերը գրկած էին իրենց երեխաներին»։
Հիշեցնենք՝ Մոսկվայում ուրբաթ երեկոյան տեղի ունեցած ահաբեկչության զոհերի թիվը հասել է 115-ի:
