ՌԴ ՊՆ-ն բացահայտել է Ավդեևկայի ուղղությամբ Ուկրաինայի ԶՈՒ կորուստները մեկ շաբաթում
Ուկրաինայի զինված ուժերը մեկ շաբաթվա ընթացքում Ավդեևկայի ուղղությամբ կորցրել են ավելի քան 2 195 զինվորական։ Այս մասին հայտնել է Ռուսաստանի պաշտպանության նախարարությունը՝ հատուկ ռազմական գործողության մասին ամենօրյա ամփոփագրի ընթացքում։
«Մեկ շաբաթվա ընթացքում այդ ուղղությամբ Ուկրաինայի զինված ուժերը կորցրել են ավելի քան 2195 զինծառայող», — ասել են Ռուսաստանի պաշտպանական գերատեսչությունում:
ՌԴ Պաշտպանության նախարարության տվյալներով՝ ուկրաինական բանակն այդ ուղղությամբ զրկվել է երկու տանկից, 21 մարտական զրահապատ մեքենայից, 65 մեքենայից և դաշտային հրետանու 28 հրանոթից:
«Ավդեևկայի ուղղությամբ «Կենտրոն» զորքերի խմբավորման ստորաբաժանումները, ավիացիայի և հրետանու հետ համագործակցությամբ, ազատագրել են Դոնեցկի Ժողովրդական Հանրապետության Օրլովկան և Տոնենկոյեն», — հավելել են նախարարությունում:
Նշվում է, որ բացի այդ, ռուսական զորքերը ռազմաճակատի այս հատվածում հետ են մղել Ուկրաինայի զինված ուժերի 42 հակագրոհներ, ինչպես նաև պարտության են մատնել Ուկրաինական յոթ բրիգադների կենդանի ուժին և տեխնիկային:
Մինչ այդ CNN հեռուստաալիքը հայտնել էր, որ ՌԴ ԶՈՒ կողմից Ուկրաինայի ենթակառուցվածքներին հասցված հարվածների թիրախներն են եղել նաև Ուկրաինայի պաշտպանության նախարարության հետախուզության գլխավոր վարչության օբյեկտները:
