Հանրաքվեն այս աշնանը կորոշի մեր ներկան ու ապագան տասնամյակների ընթացքում․ Սանդու

Մոլդովայի նախագահ Մայա Սանդուն հայտնել է Եվրամիությանն ինտեգրվելու երկրի ձգտումը Սահմանադրության մեջ ամրագրելու շուրջ հոկտեմբերին հանրաքվե անցկացնելու պլանների մասին: Այս մասին հայտնում է «Ինտերֆաքս»-ը:

«ԵՄ-ին Մոլդովայի անդամակցության շուրջ հանրաքվեն այս աշնանը կորոշի մեր ներկան ու ապագան տասնամյակների ընթացքում», - ասել է Սանդուն մամուլի ասուլիսի ընթացքում։

Նա կոչ է արել խորհրդարանին սկսել նախապատրաստվել հանրաքվեին և անհրաժեշտ ընթացակարգեր անցկացնել: Հանրաքվե հայտարարելու նախաձեռնությամբ պետք է հանդես գա պատգամավորների առնվազն մեկ երրորդը՝ Սահմանադրական դատարան հարցում ներկայացնելու ճանապարհով։