Ալիևը վերանվանել է օկուպացված Ստեփանակերտի Վերածննդի հրապարակը

Ադրբեջանի նախագահ Իլհամ Ալիևը վերանվանել է օկուպացված Արցախի մայրաքաղաքի կենտրոնական հրապարակն այն կոչելով «Հաղթանակի հրապարակ»։

Իր որոշման մասին Ալիեւը հայտարարել է այսօր՝ հրապարակում Նովրուզի խարույկը վառելիս։ Կրակի շուրջ հնչած իր «ազգին ուղղված ուղերձում» Ալիևն օգտագործում է Հայաստանի հասցեին սպառնալիքներ, նախատինքներ։

Հրապարակված լուսանկարներում երևում է, որ Ալիեւը հրապարակում միայնակ էր։

«Մենք ցույց ենք տվել մեր ուժը, և այսուհետ բոլորը պետք է մեզ հետ հաշվի նստեն, այլապես իրենք կզղջան»,- ասել է նա։