Չինաստանի ԱԳՆ-ն արձագանքել Է միջուկային զենքի մասին Պուտինի խոսքերին
ՉԺՀ ԱԳՆ պաշտոնական ներկայացուցիչ Վան Վենբինն այսօր կայացած ճեպազրույցում մեկնաբանել է ՌԴ նախագահ Վլադիմիր Պուտինի միջուկային զենքի հնարավոր կիրառման վերաբերյալ խոսքերը, փոխանցում է ՌԻԱ Նովոստին։
Նա նշել է, որ Չինաստանը միշտ հանդես է եկել այն բանի օգտին, որ միջուկային տերությունները հավատարիմ մնան ընդհանուր անվտանգության հայեցակարգին, այժմ բոլորը պետք է նպաստեն դեէսկալացիային:
«Ներկա իրավիճակում բոլոր կողմերը պետք է իրական գործողություններ ձեռնարկեն դեէսկալացիային համատեղ աջակցելու համար», - ասել Է դիվանագետը:
Հիշեցնենք՝ ՌԴ նախագահ Վլադիմիր Պուտինը լրագրող Դմիտրի Կիսելյովին տված հարցազրույցում հայտարարել է, որ Ռուսաստանը պատրաստ է միջուկային զենք կիրառել այն դեպքում, եթե խոսքը ռուսական պետության գոյության մասին է և երկրի ինքնիշխանությանն ու անկախությանը սպառնացող վտանգի։
