Հայիթիում հանցավոր խմբավորումները վերահսկում են երկրի մայրաքաղաքի մոտ 80%-ը
Հայիթիում հանցավոր խմբավորումներն արդեն վերահսկում են երկրի մայրաքաղաք Պորտ-օ-Պրենսի տարածքի մոտ 80%-ը: Այս մասին գրում են արեւմտյան լրատվամիջոցները։
Այս ֆոնին ԱՄՆ-ը իրականացրել է իր դեսպանատան աշխատակիցների մի մասի դուրսբերման օպերացիա և ուժեղացրել դիվանագիտական առաքելության անվտանգությունը։
Գերմանիայի դեսպանը նույնպես լքել է երկիրը և տեղափոխվել հարևան Դոմինիկյան Հանրապետություն։ Որպես կարգուկանոն վերականգնելու տարբերակ դիտարկվում է միջազգային կոնտինգենտ ուղարկելու տարբերակը՝ Սալվադորի նախագահը հայտնել է Հաիթիի իշխանություններին օգնելու իր պատրաստակամությունը։
Պորտ-օ-Պրենսում լարվածությունն աճել է վերջին մի քանի օրերի ընթացքում։ Օրեր առաջ հանցախմբերը հարձակվել էին բանտերի վրա, որի հետևանքով ավելի քան 4000 բանտարկյալ էր փախուստի դիմել։ Երկրում ստեղծված քաոսի պատճառով վերջին օրերին տասնյակ հազարավոր մարդիկ փախել են իրենց տներից։ Իսկ ավելի վաղ հանցախմբերի կողմից բռնությունների աճի պատճառով արդեն տեղահանվել էր ավելի քան 300 000 մարդ։
