Քանի՞ մահով կավարտվի սա. ժամանակն է՝ բանակցել. Հռոմի պապը՝ Ուկրաինայում պատերազմի մասին

Հռոմի պապ Ֆրանցիսկոսը շվեյցարական RSI հեռուստաընկերությանը տված հարցազրույցում ասել է, որ ուկրաինական հակամարտությունում պարտվող կողմը պետք է համարձակություն գտնի ընդունելու դա և համաձայնի բանակցել։

«Սա մեկնաբանություն է։ Բայց ես կարծում եմ, որ ավելի ուժեղ է նա, ով տեսնում է իրավիճակը, ով մտածում է մարդկանց մասին, ով ունի համարձակություն՝ բարձրացնելու սպիտակ դրոշը և բանակցելու»,- ասել է Հռոմի պապը՝ պատասխանելով այն հարցին, թե ինչպես է վերաբերվում կապիտուլյացիային, որի մասին, ինչպես նշել է լրագրողը, «խոսում են Ուկրաինայում»:

«Այսօր կարելի է բանակցել միջազգային ուժերի օգնությամբ։ «Բանակցություն» բառը համարձակ է: Երբ տեսնում եք, որ ձախողվում եք, ամեն ինչ սխալ է ընթանում, դուք պետք է համարձակություն ունենաք բանակցելու համար: Դուք ամաչում եք, բայց քանի՞ մահով կավարտվի սա։ Ժամանակն է բանակցել, փնտրել ինչ-որ երկիր, որը հանդես կգա որպես միջնորդ»,- ասել է Պոնտիֆիկոսը։

«Մի ամաչեք բանակցել, քանի դեռ իրավիճակը էլ ավելի չի վատացել», - ասել է Հռոմի պապը: «Քաջությունը երկիրը ինքնասպանության չտանելն է»: