Ինձ համար սա վերջաբանն է․ այս ընտրություններն իմ վերջին ընտրություններն են․ Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ մարտի 31-ին կայանալիք ՏԻՄ ընտրություններն իր համար վերջնական կլինեն՝ հաշվի առնելով գործող օրենսդրությունը: Տեղեկությունը փոխանցում է ՏԱՍՍ-ը։
«Ինձ համար սա վերջաբանն է։ Այս ընտրություններն իմ վերջին ընտրություններն են՝ օրենքով վերապահված լիազորությունների շրջանակներում։ Արդյունքների հիման վրա տեղի կունենա (գործերի) փոխանցում իմ եղբայրներին, որոնք կգան ինձնից հետո», - ասել է նա։ Էրդողանի հայտարարությունը փոխանցել են տեղական հեռուստաալիքները։
2023 թվականի նախագահական ընտրություններում Էրդողանը հաղթել է երկրորդ փուլում։ Նա հավաքել է ձայների 52,18 տոկոսը, իսկ նրա մրցակից Քեմալ Քըլըչդարօղլուն՝ 47,82 տոկոսը։ Մասնակցությունը կազմել է 85,71 տոկոս։ Էրդողանը հինգ տարվա ընթացքում երկիրը կառավարելու իրավունք է ստացել։
