Լեհաստանում ՆԱՏՕ-ի զորավարժությունների ժամանակ շահագործման են հանձնվել ԱՄՆ-ից մատակարարվող Abrams տանկերը, շաբաթ օրը հայտնել է Լեհաստանի սպառազինությունների գործակալությունը։

«Վարշավայի 1-ին տանկային բրիգադի Abrams տանկային դասակը շարժվել է դեպի «Վիշապ-24» զորավարժություն»,- ասվում է հաղորդագրության մեջ։

Անցյալ տարեվերջին Լեհաստան է առաքվել ամերիկյան Abrams տանկերի առաջին խմբաքանակը՝ ուրանի զրահով, M1A1FEP տարբերակով:

Բալթյան երկրների և Գերմանիայի հետ մեկտեղ Լեհաստանում անցկացվում են Steadfast Defender-2024 զորավարժությունները, որոնք տեղի են ունենում հունվարից մայիս։ Զորավարժություններին ներգրավված է մոտ 90 հազար զինվորական, մոտ 50 նավ, 80 ինքնաթիռ, 1,1 հազար միավոր ցամաքային ռազմական տեխնիկա, այդ թվում՝ 133 տանկ։