Երեկվա խափանման հետևանքով Meta-ն 100 միլիոն դոլար է կորցրել

Facebook, Instagram սոցցանցերի և Messenger հաղորդագրային հավելվածի աշխատանքի զանգվածային խափանման հետևանքով Meta ընկերությունը կորցրել է մոտ 100 միլիոն դոլար եկամուտ: Այս մասին հայտնում է Daily Mail-ը։ 

Ինչպես նշում է լրատվամիջոցը, այս մասին ասել է Նյու Յորքի Wedbush Securities-ի գործադիր տնօրեն Դեն Այվսը: Խափանման հետևանքով Meta-ի արժեթղոերի գինը նվազել է 1.6 տոկոսով: Բացի այդ, ընկերությունն իր եկամուտների մեծ մասը ստեղծում է գովազդի միջոցով, որը ցուցադրվում է օգտատերերին, և տեխնիկական խնդիրների պատճառով գովազդից եկամուտը նույնպես նվազել է:

Այվսը ասել է, որ Meta-ն, ամենայն հավանականությամբ, չի բացահայտի, թե որքանով է խափանումը կրճատել իր ֆինանսները։ 

Հիշեցնենք, որ Կարմիր ծովում 4 ինտերնետ մալուխների վրա հուսիների կողմից հարձակումներ են եղել, որոնք ազդել են նաև Աֆրիկայի, Ասիայի և Եվրոպայի միջև կապի վրա։ Կտրվել են չորս ստորջրյա մալուխներ, այդ թվում՝ Ասիա-Աֆրիկա-Եվրոպա 1 (AAE-1): Մյուս երեք վնասված մալուխներն են Seacom, TGN և EIG: Ընկերությունը գնահատմամբ դա ազդում է տրաֆիկի մոտ 25%-ի վրա:

Ավելի վաղ հայտնել էինք, որ ինչպես Հայաստանում, այնպես էլ այլ երկրներում զանգվածային խափանումներ են առաջացել «Ֆեյսբուք» և «Ինստագրամ» սոցցանցեր մուտք գործելիս։