Ուզբեկական բանկը` ՌԴ քաղաքացիների համար խստացրել է կանոնները
Ուզբեկական «Yuli Bank»-ը խստացրել է ռուսաստանցիների հաշիվների սպասարկումը և լրացուցիչ փաստաթղթեր պահանջել հաճախորդներից:
Մասնավորապես, բանկը Ռուսաստանից ժամանած հաճախորդներից խնդրել է ներկայացնել ֆիզիկական անձի նույնականացման համար, որպեսզի վերջինները կարողանան շարունակել լիարժեք օգտվել իրենց քարտերից:
Բանկի տեխնիկական աջակցության բաժնից հստակեցրել են, որ այդ պահանջը սահմանվել է Ուզբեկստանի Կենտրոնական բանկի՝ 2023 թվականի փետրվարի 8-ին հաստատված ուղեցույցով: Այդ փաստաթուղթն ուժի մեջ է մտել 2023 թվականի փետրվարի 9-ին: Ըստ այդմ, ռեզիդենտ և ոչ ռեզիդենտ ֆիզիկական անձանց ավանդային հաշիվները պետք է բացվեն ֆիզիկական անձի անձնական նույնականացման համարի հիման վրա․ նախկին ձևակերպման համար պահանջվում էր միայն Ռուսաստանի քաղաքացու արտասահմանյան անձնագիր և տեղական SIM քարտ:
Տեխնիկական սպասարկման բաժնից տեղեկացրել են, որ նույնականացման համարը չի պահանջվում միայն քարտով ծառայությունների և ապրանքների դիմաց վճարման և քարտերի միջև փոխանցումներ անելու համար: Այսպիսով, առանց այդ նույնականացման համարի հաճախորդները չեն կարողանա, օրինակ, գումար փոխանցել իրենց հաշվի վրա:
